पुण्यातील’ डॉन नंबर वन ‘ मिरज पोलिसांच्या ताब्यात

(Pune’s ‘Don Number One ) मिरज : मिरज मधील सर्वोदय गणेशोत्सव मंडळाच्या ‘ श्रीं’च्या आगमन मिरवणुकीत नियमांचे उल्लंघन करून कानठळ्या बसविणाऱ्या ‘ डॉन नंबर वन ‘ या नावाने प्रसिद्ध असलेली डीजे यंत्रणा मिरज शहर पोलिसांनी जप्त केली आहे .

यंदा निर्बंध हटविल्याने गणेशोत्सव मंडळे जोशात आहेत . पोलिसांच्या कारवाईच्या इशाऱ्यानंतरही मिरजेत आगमन मिरवणुकीत डीजेचा जोरदार दणदणाट करण्यात आला होता .

याप्रकरणी पोलिसांनी सात गणेश मंडळांवर व डीजे मालकांवर ध्वनिमर्यादेचे उल्लंघन केल्याबद्दल गुन्हे दाखल केले आहेत . गुन्हा दाखल झालेल्या डीजे यंत्रणा जप्त करण्यात येत आहेत.