पोलीस उपनिरीक्षकाकडून तरुणीवर बलात्कार, उपनिरीक्षकावर गुन्हा दाखल

पुणे :प्रेमाच्या जाळ्यात ओढून एका युवतीसोबत जबरदस्तीने शारीरिक संबंध प्रस्थापित केले. यातून ती गर्भवती राहिल्यानंतर तिचा जबरदस्तीने गर्भपात केल्या प्रकरणी एका पोलीस उपनिरीक्षकावर पुण्यातील शिवाजीनगर पोलीस ठाण्यात गुन्हा दाखल करण्यात आला आहे. हा प्रकार ऑगस्ट 2017 ते नोव्हेंबर 2022 या कालावधीत शिवाजीनगर गावठाण येथे घडला आहे.

याबाबत 33 वर्षीय युवतीने शिवाजीनगर पोलीस ठाण्यात फिर्याद दिली आहे. यावरुन किरण माणिक महामुनी (वय-38 रा. नागपुर) याच्यावर आयपीस 376, 377, 312 नुसार गुन्हा दाखल केला आहे.

पोलिसांनी दिलेल्या माहितीनुसार, आरोपी किरण महामुनी पोलीस दलात पोलीस उपनिरीक्षक या पदावर कार्यरत आहे.पीडित युवती पोलीस भरतीची तयारी करत असताना त्यांची किरण सोबत ओळख झाली.त्यानंतर त्यांच्यामध्ये प्रेमसंबंध निर्माण झाले. आरोपीने पीडितेला शिवाजीनगर गावठाण येथील एका घरी नेले. त्याठिकाणी तिच्यासोबत जबरदस्तीने शारीरिक संबंध ठेवले.