दोन दिवसात 571 बुलेटवर कारवाई
फाटक्या आवाजातील बुलेट विरोधात खालील व्हॉट्सअँप नंबरवर करा तक्रार.
पुणे शहर पोलीस आयुक्तालयाच्या हददीत मोटर सायकलच्या विशेषतः बुलेटच्या सायलेन्सरमध्ये फेरबदल करून अनेक वाहनचालक मोटर वाहन कायदा कलम १९८ अन्वये उल्लंघन करत आहेत.
तसेच शहरातील अनेक वस्त्यांमध्ये दिवस, रात्र असे फेरबदल केलेले सायलेन्सर असलेले वाहन वापरून कर्णकर्कश आवाज करून ध्वनी प्रदूषणात भर टाकत आहेत.
अशी मोटरसायकल चालवणारे वाहनचालकांवर कारवाई करण्यासाठी पुणे शहर वाहतूक शाखेतर्फे संपूर्ण पुणे शहरात विशेष मोहिम सुरू करण्यात आली आहे.
दि. 8 , 9फेब्रुवारी रोजी वाहतूक पोलीसांनी फेरबदल केलेले सायलेन्सर असलेले मोटर सायकल वाहनचालकांवर कारवाई करून एकूण ५७१ मोटार सायकलचे सायलेन्सर काढून घेण्यात आलेले आहेत.
यामध्ये विमानतळ, हांडेवाडी, कोरेगाव पार्क, डेक्कन, भारती विदयापीठ तसेच हडपसर वाहतूक विभागांत सर्वात जास्त कारवाइ करण्यात आल्या आहेत.
