भाजपाचे नगरसेवक धिरज घाटे यांच्या हत्येचा कट उघडकीस, ३ जणांना अटक.
येत्या निवडणुकीमुळे करण्यात येणार होती हत्या?
क्राइम ब्रांच न्युज प्रतिनिधी पुणे : पुण्यातील भाजपाचे नगरसेवक व माजी सभागृह नेते धिरज घाटे यांच्या हत्येचा कट उघडकीस आला आल्याने पुणे शहरात खळबळ उडाली आहे.
निवडणुकीस काही महिने राहिले असल्याने असा प्रकार उघडकीस आल्याने चर्चेला उधाण आले आहे.
याप्रकरणी नगरसेवक धिरज घाटे यांनी विश्रामबाग पोलिस ठाण्यात तक्रार दिली असून त्या तक्रारीवरून विकी उर्फ वितुल वामन क्षिरसागर, मनोज संभीजी पाटोळे (रा. सानेगुरूजी नगर आंबीलओढा कॉलनी) या
दोघांसह त्यांच्या तीन ते चार साथीदारांच्या विरुद्ध विश्रामबाग पोलिस ठाण्यात गुन्हा दाखल
करण्यात आला आहे.
सदरिल घटना शुक्रवारी दुपारी तीनच्या सुमारास शेफ्रॉन हॉटेल नवी पेठ शास्त्री रोड परिसरात घडली आहे.
प्राप्त माहितीनुसार,धिरज घाटे शुक्रवारी दुपारी चहा पिण्यासाठी शेफ्रॉन हॉटेलमध्ये गेले होते.
त्यावेळी त्यांचा जुना
कार्यकर्ता विकी क्षिरसागर हा देखील त्याच्या काही साथीदारांसोबत तेथे
आला होता.
