महिला पोलीस कर्मचाऱ्यावर बलात्कार ,गुन्हा दाखल

Crime branch news : पुणे  पोलीस हा शब्द ऐकतात सामान्य नागरिकांचा घाम फुटतो , परंतु आता तर पोलीस कर्मचारीच सुरक्षित नसल्याचे दिसत आहे.
महिला पोलीस कर्मचारी सुरक्षित नसल्याचा एक प्रकार खडक पोलिस ठाण्याच्या हद्दीत उघडकीस आला आहे.

महिला पोलिसाचा बलात्कार करणाऱ्या पोलिस कर्मचाऱ्याविरोधात गुन्हा दाखल करण्यात आला आहे. त्यामुळे पोलिस दलात मोठी खळबळ उडाली आहे. लॉकडाऊनच्या काळात ओळख वाढवून जेवणास घरी येत असताना गुंगीचे औषध देऊन पोलीस शिपायाने महिला पोलीस कर्मचाऱ्यावर बलात्कार केला. त्याचा व्हिडिओ काढून तो व्हायरल करण्याची धमकी देऊन तिच्यावर सातत्याने बलात्कार केला. तसेच पिस्तुलाचा धाक दाखवून जीवे ठार मारण्याची धमकी दिल्याचा  प्रकार समोर आला आहे.

याप्रकरणी खडक पोलिसांनी मार्केटयार्ड पोलीस ठाण्यात नेमणूकीस असलेल्या दीपक सिताराम मोघे या पोलीस कर्मचाऱ्यावर गुन्हा दाखल केला आहे.